Пагоҳ дар шаҳри Душанбе даври ҷамъбастии озмунҳои ҷумҳуриявии «Беҳтарин ҳамсар» ва «Фарзанд-боғи падару модар» доир мешавад. Озмунҳо бо мақсади баланд бардоштани маърифати оиладорӣ, меҳру муҳаббат нисбат ба ҳамсар, тарбияи насли наврас дар руҳияи ватандӯстию худшиносӣ, зебоипарастӣ, меҳнатдӯстӣ ва тарғиби тарзи ҳаёти солим гузаронида мешаванд. Баргузории озмунҳои ҷумҳуриявӣ тадбири муҳим буда, аҳли ҷомеаро бори дигар ба масъалаҳои баланд бардоштани маърифати оиладорӣ, меҳру муҳаббати самимӣ байни ҳамсарон ва тарбияи дурусти фарзандон ҳидоят менамояд. Озмунҳо дар шаҳру ноҳияҳои ҷумҳурӣ дар ду давр баргузор карда шуданд. Дар даври ҷамъбастии озмунҳо беҳтаринҳо иштирок намуда, ғолибон бо туҳфаҳои хотиравӣ қадрдонӣ мегарданд. «Барномаи давлатии рушди оила дар Ҷумҳурии Тоҷикистон барои солҳои 2024-2028» бо мақсади таъмини ҳифзи манфиатҳои оила ва аъзои оила ҳамчун ниҳоди иҷтимоӣ ва макони тарбияи фарзанд, тақвияти заминаҳои иқтисодию иҷтимоии таҳкими оила, баланд бардоштани маърифати оиладорӣ ва таҳкими пояҳои оиладорӣ таҳия гардидааст. Дар доираи ин барнома бо ибтикори Кумитаи кор бо занон ва оилаи назди Ҳукумати Ҷумҳурии Тоҷикистон дар шаҳру ноҳияҳо озмуну чорабиниҳои фарҳангӣ-маърифатӣ, мониторинг ва арзёбии амалисозии барномаҳои соҳаи кор бо занон ва оила баргузор мегардад. Навигация записи Назад Предыдущая запись: Имрӯз дар Муассисаи давлатии таълимии «Литсейи №4 барои хонандагони болаёқат»-и шаҳри Душанбе чун дар дигар муассисаҳои таълимии мамлакат Рӯзи дониш ва Дарси сулҳ бо шукуҳу шаҳомати хосса таҷлил гардид. Муассисаи таълимӣ дорои 37 синфхонаи барҳаво, аз ҷумла кабинетҳои фаннии химия, физика, биология, астрономия, геометрия, табиатшиносӣ, математика, ҷуғрофия, синфхонаҳои компютерӣ, омодагии дифои ҳарбӣ, мусиқию хореаграфӣ, ҳуҷраҳои корӣ барои омӯзгорон ва дигар иншооти ёрирасон мебошад. Ҳамчунин дар литсей ҳуҷраҳои озмоишгоҳ мавҷуданд, ки дар онҳо барои дар амал гузаронидани таҷрибаҳои гуногун асбобу аёнияти дарсӣ насб гардидааст. Муовини Раиси шаҳри Душанбе Дилбар Одилзода бо хонандагони муассиса вохӯрӣ намуда, иброз дошт, ки бо хониши хубу аъло таҳсил намуда, ҳамчун фарзандони содиқи давлату миллат ба воя бирасанд. Зеро Ҳукумати мамлакат барои насли наврас ва ҷавонон тамоми имконият ва шароити илмомӯзиро фароҳам намудааст. Иброз шуд, ки 1 сентябр танҳо оғози соли нави таҳсил нест, балки рамзи пайванди ду арзиши олӣ – дониш ва сулҳ мебошад. Ҳар қадаме, ки мо дар роҳи маърифат мегузорем, бояд ба таҳкими сулҳу ваҳдат ва ободии Ватан равона гардад. Ёдовар мешавем, ки 20 августи соли 2021 Президенти Ҷумҳурии Тоҷикистон муҳтарам Эмомалӣ Раҳмон бо Раиси Маҷлиси миллии Маҷлиси Олии Ҷумҳурии Тоҷикистон, Раиси шаҳри Душанбе муҳтарам Рустами Эмомалӣ дар ноҳияи Шоҳмансури пойтахт «Литсейи рақами 4 барои хонандагони болаёқати шаҳри Душанбе»-ро мавриди истифода қарор доданд. Тибқи лоиҳа, «Литсейи рақами 4 барои хонандагони болаёқати шаҳри Душанбе» барои 1440 хонанда дар ду баст бунёд шуда, аз 4 бинои ба ҳам пайвасти 4 ошёна иборат аст.Далее Следующая запись: Даҳаи сеюми моҳи сентябр тибқи дархости Ҷумҳурии Қазоқистон ва дастури Раиси Маҷлиси миллии Маҷлиси Олии Ҷумҳурии Тоҷикистон, Раиси шаҳри Душанбе муҳтарам Рустами Эмомалӣ дар ин давлат намоиш-фурӯши маҳсулоти кишоварзии вилояти Хатлон доир мегардад.Намоиш-фурӯши маҳсулоти кишоварзии вилояти Хатлон дар шаҳри Алматои Ҷумҳурии Қазоқистон гузаронида мешавад. Аз вилояти Хатлон ба намоиш-фурӯши маҳсулоти кишоварзӣ меваҳои тару тоза, хушкмева, сабзавот, тарбузу харбуза ва дигар маҳсулот пешниҳод карда мешаванд. Дар назар аст, ки дар намоиш-фурӯш ширкатҳои консервабарорӣ ва истеҳсолкунандагони шириниҳои миллӣ (қанду набот, ҳалво, кулчаҳо) дастранҷи худро пешниҳод намоянд. Ёдовар мешавем, ки 16–17 августи соли 2025 дар шаҳри Остонаи Ҷумҳурии Қазоқистон бо дастуру ҳидоятҳои Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон Намоишгоҳи маҳсулоти кишоварзӣ, саноатӣ, ҳунарҳои мардумӣ ва таомҳои миллии Ҷумҳурии Тоҷикистон баргузор гардида буд. Дар намоиш беш аз 1000 тонна маҳсулот аз ҷониби кишоварзон, ҳунармандон ва корхонаҳои саноатии шаҳру ноҳияҳои вилояти Суғд ба намоишу фурӯш бароварда шуданд.
